Նունե Խաչատրյան

Նունե Խաչատրյան;
Ծնվել է	հունվարի 18, 1965 (59 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Հայկական պետական մանկավարժական համալսարան (1988)
Աշխատավայր	Հայկական պետական մանկավարժական համալսարան և Հայաստանի դատախազություն

Վիքիպեդիայում կան հոդվածներ Խաչատրյան ազգանունով այլ մարդկանց մասին։

Նունե Վալոդյայի Խաչատրյան (հունվարի 18, 1965(1965-01-18), Երևան, Հայկական ԽՍՀ, ԽՍՀՄ), ՀՀ պետական գործիչ, ՀՀ կառավարության աշխատակազմի ղեկավար-նախարարի տեղակալ։

Կրթություն

1983-1988 թթ. - սովորել և ավարտել է Խաչատուր Աբովյանի անվան Հայկական պետական մանկավարժական ինստիտուտի պատմության ֆակուլտետը։

Աշխատանքային գործունեություն

1989-1994 թթ. - աշխատել է Երևանի թիվ 3 ուսումնարանում որպես պատմության և հասարակագիտության նորմերի դասավանդող։
1994-1996 թթ. - եղել է Խաչատուր Աբովյանի անվան Հայկական պետական մանկավարժական ինստիտուտի խմբավարության ամբիոնի կրտսեր գիտաշխատող։
1997-1998 թթ. - ՀՀ վարչապետի աշխատակազմի առաջատար մասնագետ։
1998-2002 թթ. - ՀՀ արդարադատության նախարարի առաջին տեղակալի օգնական, նախարարի օգնական, այնուհետև՝ նախարարի խորհրդական։
2002 թ. ՀՀ կառավարության որոշմամբ նշանակվել է Հայաստանի Հանրապետության արդարադատության նախարարության աշխատակազմի ղեկավար։
2010 թ. նոյեմբերի 18-ին ՀՀ կառավարության որոշմամբ 2010 թ. նոյեմբերի 22-ից պաշտոնավարման ժամկետը երկարաձգվել է չորս տարի ժամկետով՝ մինչև 2014 թվականի նոյեմբերի 21-ը^[1]։
2013 թ. հոկտեմբերի 17-ին ՀՀ կառավարության որոշմամբ ազատվել է Հայաստանի Հանրապետության արդարադատության նախարարության աշխատակազմի ղեկավարի պաշտոնից՝ իր դիմումի համաձայն^[2]։
2013-2014 թթ. - եղել է ՀՀ գլխավոր դատախազի խորհրդական։
2014 թ. ՀՀ վարչապետի որոշմամբ նշանակվել է Հայաստանի Հանրապետության կառավարության աշխատակազմի ղեկավար-նախարարի տեղակալ^[3]։
2017 թվակականին ստացել է Հայաստանի Հանրապետության քաղաքացիական ծառայության 1-ին դասի պետական խորհրդականի դասային աստիճան^[4]։

Ունի մեկ որդի։ Անկուսակցական է։

Ծանոթագրություններ

[1] ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԻ ՂԵԿԱՎԱՐ Ն. ԽԱՉԱՏՐՐՅԱՆԻ ՊԱՇՏՈՆԱՎԱՐՄԱՆ ԺԱՄԿԵՏԸ ԵՐԿԱՐԱՁԳԵԼՈՒ ՄԱՍԻՆ

[2] Ն. ԽԱՉԱՏՐՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԻ ՂԵԿԱՎԱՐԻ ՊԱՇՏՈՆԻՑ ԱԶԱՏԵԼՈՒ ՄԱՍԻՆ

[3] Ն. ԽԱՉԱՏՐՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ ՂԵԿԱՎԱՐ-ՆԱԽԱՐԱՐԻ ՏԵՂԱԿԱԼ ՆՇԱՆԱԿԵԼՈՒ ՄԱՍԻՆ

[4] «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2017 թ․ դեկտեմբերի 31-ին.

[1]

[2]

[3]

[4]